唯一美國FDA認可的Ulthera HIFU療程係唔同D

< 返回

做BLOGGER的小福利就係可以試好多不同野,美容BLOG寫過好多,HIFU亦做過好多次,但Ulthera HIFU真係第一次試,今次好開心可以去到NUME體驗小顏緊緻拉提Ulthera HIFU,佢係唯一美國FDA認可具拉皮效果的HIFU儀器,相比其他韓國HIFU儀器,效果真係好好多同埋持久好多,唔講咁多…快快同大家開心SHARE ^^

近年好流行HIFU,但好多人都唔太清楚HIFU係咩原理,其實HIFU即係高能量聚焦超聲波,佢可以在無損傷下穿透皮膚,準確聚焦在皮膚4.5mm下的SMAS肌腱膜層,產生高能量熱能,從而刺激骨膠原增生,更有效令老化骨膠原收縮,達到猶如傳統拉皮療效,改善鬆弛面部及光澤膚質。療程開始前會先替我影下不同角度的相片,作一個前後比較,已經踏入30+的我,面部開始鬆弛,雙下巴同虎紋都十分明顯,所以今次體驗Ulthera HIFU療程希望提升到我整體面部輪廓,再見包包面。

主角出場啦….Ulthera HIFU小顏緊緻拉提療程,採用唯一在美國FDA 取得非侵入式臉部「Lifting (拉提)」核可的儀器幫助皮膚,有效對抗歲月與地心吸力的影響,透過Ultherapy HIFU拉提療程,能量可達到筋膜層 (SMAS),將深層皮膚1.5mm和3mm,甚至 4.5mm 的筋膜層及作為分層目標組織,以密集式聚焦瞬間加熱,即時提升輪廓及豐盈細紋、以及令皮膚組織重組,從而改善膚質,唔洗開刀都可以解決到皮膚深層老化的問題。

會喺面上畫上線,有效準確地於面上不同位置進行聚焦式超聲波。

再塗上高度保濕啫喱,除左幫皮膚保濕外,涼涼的感覺亦會大大提升療程舒適度。

頭先都提及到我的雙下巴同老虎紋較嚴重,所以呢2個部份會多打少少發數,有效提升頸部、下巴皮膚,刺激皮膚深層更新膠原蛋白和彈力蛋白的生長。

Ulthera HIFU聚焦式超聲波,眼部亦可以同時進行, 精準而不傷周邊組織,可直達真皮層與肌腱瞙(SMAS),療程雖然感覺比較強烈,但因為塗左麻醉膏所以係可以忍受到的,做完後見到皮膚有少少泛紅亦係正常反應。

做完後會即時做返個保濕舒緩MASK,15分鐘後見到之前泛紅的皮膚已經退晒,同埋成塊面好似向上提升…V左好多呢。^^

療程後頭1-2個鐘仲有少少酸軟的感覺,但呢個係皮膚收縮緊實的表現,大約2個鐘後呢個感覺已經完全消退。女人為左靚其實有咩係忍唔到,哈哈….最重要係見到效果,做完之後見到成塊面真係提升左,雙下巴同老虎紋都淡左好多,見到效果咁好咩酸軟感覺都唔記得啦…哈哈

療程後, 其實無須採取任何特別護理,但我出街前會多搽防晒同埋夜晚會著重保濕護理皮膚。只要一次療程,就好似啟動左皮膚再生過程咁,做到緊緻面部及頸部肌膚、改善面形輪廓、提升眼眉及撫平皺紋,望落真係後生左幾年架…嘻嘻。

市面上有好多林林總總的HIFU儀器,療程價格、儀器產地眾多及不同,甚至前一陣子海關查驗出有美容院使用冒牌美國原厰的HIFU儀器,有機會造成灼傷或永久性損害,所以選擇HIFU療程時真係要非常謹慎。喺NUME做呢個Ulthera HIFU療程有別於一般提拉儀器,佢無需多次治療,一次見效,療程後2個月開始看到明顯效果,一次療程,效果長達2年,所以想做一個真正有效的HIFU就要去NUME做唯一美國FDA認可的Ulthera HIFU療程啦。

療程適合做到以下部位:眼部 / 額頭 / 雙下巴 / 顴骨 / 頸部 / 蘋果肌 / 虎紋/上胸部線條

效果:
1. 全面緊膚
2. 眼部提升,改善眼袋
3. 減淡皺紋如魚尾紋、淚線紋、虎紋、頸紋等
4. 提拉腮及面頰線條
5. 改善雙下巴
6. 膠原增生,改善膚質