【凍齡凍成咁?】毛舜筠美國買酒被查身份證:笑到我碌落地

< Back

news_11

 

毛舜筠、譚杏藍同沒女導師Angel今日喺旺角出席醫學美容活動,56歲嘅毛舜筠成為代言人,指係凍齡美人,毛姐笑問﹕「幾多歲開始凍先,佢哋想我18歲開始凍,我就幾多歲都冇所謂。我成日話自己老嘞,啲人就話『吓,你都老』,我生活冇老到,運動愈做愈勁,0依家玩埋空中瑜伽。」毛姐大談保養心得﹕「我飲食好小心,人哋話年紀大瞓少啲,但我都要keep住瞓8至10個鐘,我仲唔記得自己年紀,Keep住學嘢,仲有食適當補充劑,少啲病就冇咁容易衰老。我有做treatment,平時又唔化妝,只會搽防曬。」

毛姐同兩個女似足姊妹,早前一家人去美國玩,仲被外國人查身份證,毛姐笑話﹕「買酒時,竟然有外國人叫我拎身份證,笑到我碌落地,唔知開心定唔開心。」毛姐透露下周出發去巴黎去藍帶廚藝學院,佢話﹕「要去5個星期,為期3年。有啲人一次過讀晒,但可能一走半年,怕老公要同我離婚。」為何老公冇同行?她笑說﹕「佢陪我咪阻住我,有時間shopping仲好。」
(蘋果日報 2015年11月8日)