【#你講我post 去眼袋客人真實分享】

< 返回

#你講我post 嚟ep.2,今次有去眼袋分享,而且客人好好,打得好詳細,希望都幫到有興趣嘅你地!

👩🏻‍💼:「眼袋問題已經纏繞多年,今年先2x歲,但人地就以為我29+1 ,仲叫姨姨 試過無數眼霜,終於認清事實就係眼霜除咗保濕係做唔到其他野,唔會搽搽吓眼袋就消失。朋友講開我可以試吓醫美啦,咁我乜都唔識,淨係聽過熊貓針,就去咗consult先。

見完醫生,佢話我係脂肪型眼袋+黑眼圈,熊貓針唔係幫到好多,做無痕去眼袋效果最好,屬於內切型,好處係唔留疤而家創口細,恢復快。手術我就真係有啲猶豫,咁佢地都好好,無逼我即場決定。不過過多幾日諗諗吓都係靚緊要啲😂所以問清楚價錢,有無隱藏收費咁我就book咗

去到手術個日都忍唔住緊張,顧問先解釋手術風險同注意事項,之後姑娘就比咗藥我食,話食咗會眼瞓,但都會仲有意識。然後消毒完醫生幫我mark位,再貼咗塊嘢去保護。手術過程大概半粒鐘,幫我做戴上保護眼球嘅con再打麻醉,所以做嘅時候唔覺得痛。做完後佢地幫我用冰袋敷眼時,瞓咗陣,醒返見到有啲腫咁。然後就開咗啲藥、眼藥水比我,叫我一定要按時食藥同埋滴眼藥水,最緊要係唔可以掂水(所以頭幾日我都無洗頭)。個度啲人都幾nice,知道無人接我,就幫我叫埋的士。整個感覺都好好,服務好都無強逼我,講解都詳細。

分享多少少比想知嘅人~做定心理準備,復原期間我係
🚫掂水🚫彎腰🚫搬重嘢🚫劇烈運動🚫戴con
✅定時敷冰袋消腫 ✅食藥 ✅滴眼藥水

第2日就開始更腫,到第4、5日就由腫變黃青,第7日時啲青都褪得7788, 戴個眼鏡遮一遮都ok! 我Total 抖咗一個禮拜~ 不過都要視乎體質」

NuMe 團隊致力以專業提供信心比客人,如果你都有興趣解決眼袋煩惱,📲歡迎立即Whatsapp查詢/預約:https://goo.gl/mdMZTw